打工vs自僱，各有各樂趣！打工，無論你／妳能唔能幹，做唔做到野，只要你／妳搵到間「薪高糧準」，「有時可以無驚無險到六點，察牙洗面出面lift口等放工」的「大公司」，咁你噶樂趣就係每個月26-28號，個出糧戶口就自自然然多了筆錢俾你／妳花。 自僱，基於呢六個星期經驗，除了逢星期日最開心（因唔使星期一番工恐懼癥，及唔使開埋果的十九幾年都一樣，無建樹的不知所謂管理會議），原來日日訓醒個種感覺，好正！可以多的時間見／陪家人，人都精神左。但最壞嘎，就剛剛同打工相反，就係要好好好努力去搵機會，見朋友，前同事，開會（無錢噶，自費！），然後要有耐性，好EQ，FQ，唔需要IQ！月尾，個戶口又唔會自然多的錢，還要繼續出糧俾家裡的CEO添:) 呢的，叫做「交學費」，但從過程中又學到好多做人，待人的道理，係終身受用的。又可以看清楚甚麽是人，甚麽是神，甚麽是屎💩鬼（太粗魯，所以用符號代替）！這是錢買唔到的經驗，我可以將來同我的仔，外／姨甥，或其它年青人分享。 以前打工，想印卡片，叫部門的不知所謂admin幫手再向「辦公室服務部」申請，唔使錢，但等到「天長地久」，買塊write board，可能由番工等到辭埋工都可能未到。 現在自僱，印卡片，DIY，一個早上辦妥。整公司印章，由設計，到upload網上印章公司，確認，都係一天半，＄106兩個，爽夾快！ 萬事起頭難，現在我領會到！我細仔曾經咁同我講：「老爹，55歲先黎自僱開公司，唔係嗎！」係，可能連我的家人起初由懷疑，到現在支持，但我一直（真係計劃左兩三年）都抱著「信念」，「信心」去做，去實現我的「遲來的2nd Career」心願。 成唔成功，唔重要，最重要係可以「開心，自在，自由」去一步，一步實行自己的計劃，和享受當中過程！尤其是當我某程度上有「財務自由」時，點解唔去發下自己的「夢」！ 自僱人仕一個月的心聲分享
Author: lks3197
昨天，透過KM Jenny Lau的誠意邀請參加了2小時的workshop，令我好開心，香港還是有很多「有心人」的，也讓我見證甚麽是「專業」
曾經答應自己將來退休，會立定心去寫幾本書，連書名大致內容都唸左，呢三年黎所經歷的比起之前28年可以講還超出了自己意料之外。希望有機會將來實現這些願望…老人與海，我不在屈機的日子，草根的CIO，我已忘掉屈機的日子，城門河的日與夜…
未離開「屈機」前，看過影帝羅拔迪尼路的「退休無限耆」The Intern，感概良多… 50+在全球都是「被炒」高危一族，我所以在49時已計劃離開開展自己的顧問生涯，連計劃書，公司logo設計都做好，但因工作繁忙及下不了決心，一直在磋跎歲月，直至到遇到「V大鑊」、「黃種人」及「咖啡燦」同「瘋宅區大姐」呢個「四大天王」組合的「恩賜」把我從「猶豫不決」一推變成「置諸死地而後生」咁就在16年成立了計劃7年的「3原動力」。唸番起真要多謝呢四個人類 今早，食完早餐去完圖書館番家在電梯內碰見鄰居楊生，他比我還要年青兩、三年但都已提早退休了7、8個月，也去了好多次旅行，但他突然話開始覺得悶。我心同感受，初離開屈機的三個月，我選擇規律的早起、去囉報紙、去圖書館搵資料準備成立公司的事而，去跑步健身，然後設計公司brochure電郵出去的vendors，舊同事，朋友等等，唔會俾自己停落黎。 今日，我和大家同輩或50+的朋友分享這些，是希望大家要正面看人生，逆境自強，才是皇道，不要給人家年齡歧視，努力💪天空之下，人人平等