Author: lks3197

從有到無（份工），再從無到有（自己的公司），雖然還是很很很細小，但所有人都知，「未曾細過，何以會大」呢？以前「李氏力場」也是在五、六十年代從「索膠花」做起，我「靚仔」時都穿過索膠花，7號子，穿兩大袋，搞足一個下午，先賺到兩、三蚊。現在chairman擁有一個王國😎 我唔會諗我將來會點，只會著重眼前一步一步去走，以禮以誠待人，我相信我會找到自己真正的路。好似今日去囉個印章，間印刷公司在荔枝角，我住沙田！佢地offer俾多$30就速遞到家。但唔係為錢，我想親自體驗自己搭車去搵去收貨。下大雨，出了地鐵又要行入工廠區，車費$15，來回時間1.5小時。別人眼中係好「笨」，為甚麼？為的，不是慳$15，為的是承傳一個理念，凡事「親力親為」，就知道，唔盡力，點得世間財。唔付出，又何來回報。當我將自制的卡片，印上自己親自設計的印章，果種喜悅及滿足感，並不是$15或$30或1.5小時可以衡量的。努力

打工vs自僱，各有各樂趣！打工，無論你／妳能唔能幹，做唔做到野，只要你／妳搵到間「薪高糧準」，「有時可以無驚無險到六點，察牙洗面出面lift口等放工」的「大公司」，咁你噶樂趣就係每個月26-28號，個出糧戶口就自自然然多了筆錢俾你／妳花。 自僱，基於呢六個星期經驗，除了逢星期日最開心（因唔使星期一番工恐懼癥，及唔使開埋果的十九幾年都一樣，無建樹的不知所謂管理會議），原來日日訓醒個種感覺，好正！可以多的時間見／陪家人，人都精神左。但最壞嘎，就剛剛同打工相反，就係要好好好努力去搵機會，見朋友，前同事，開會（無錢噶，自費！），然後要有耐性，好EQ，FQ，唔需要IQ！月尾，個戶口又唔會自然多的錢，還要繼續出糧俾家裡的CEO添:) 呢的，叫做「交學費」，但從過程中又學到好多做人，待人的道理，係終身受用的。又可以看清楚甚麽是人，甚麽是神，甚麽是屎💩（太粗魯，所以用符號代替）鬼！這是錢買唔到的經驗，我可以將來同我的仔，外／姨甥，或其它年青人分享。 以前打工，想印卡片，叫部門的不知所謂admin幫手再向「辦公室服務部」申請，唔使錢，但等到「天長地久」，買塊write board，可能由番工等到辭埋工都可能未到。 現在自僱，印卡片，DIY，一個早上辦妥。整公司印章，由設計，到upload網上印章公司，確認，都係一天半，＄106兩個，爽夾快！ 萬事起頭難，現在我領會到！我細仔曾經咁同我講：「老爹，55歲先黎自僱開公司，唔係嗎！」係，可能連我的家人起初由懷疑，到現在支持，但我一直（真係計劃左兩三年）都抱著「信念」，「信心」去做，去實現我的「遲來的2nd Career」心願。 成唔成功，唔重要，最重要係可以「開心，自在，自由」去一步，一步實行自己的計劃，和享受當中過程！尤其是當我某程度上有「財務自由」時，點解唔去發下自己的「夢」！ 自僱人仕一個月的心聲分享