昨日經舊同事介紹去見HKU Space，好期待有機會再重操故業，做下兼職教學，一來可以賺下「外快」，而最重要係可以分享經驗，更好的如果可將經驗傳承給新一代的商業/IT資訊科技管理人，就最理想😎 分享的樂趣，是非筆墨可形容的👍
Author: lks3197
今天約了HSBC的財富管理客戶經理，同佢好好傾，亦都希望佢可以幫我，甚至將來包埋太太，去好好管理自己的財富。 自己成日同朋友，同事講，呢個世界沒有「通才」，只有「專才」。每個人都有佢地的專業，掃地端茶的阿姐，佢地日常工作，都係一門專業。所以，職業無分貴賤，人人平等。 我地待人處事，每次遇到難題，一定要「有事搵專家」！希望任何朋友/公司，遇到如果同IT/資訊系統有關的疑難，就要搵我呢個「專家」噢！😎🙏
足足33年，無同過呢位「聖B」仔隊友David踢波！入了大專，我踢中大，佢踢理工，跟住為生活家庭，大家好少聯絡，現在難得聚首一堂，還踢埋老鬼波！life long波友，又多一個
老媽肺炎入了QE兩日，有點擔心。今日同Lily去探佢，又變了個小朋友，最心痛佢話抽血打針好痛，痛到入心入肺，做仔嘎，一的野都做唔到，只好忍著淚水，氹佢話要聽醫護人員話食藥打針，就好快可以出院番院舍。希望佢可以大步攬過！當我輕摸佢對手，插噻針喉，又瘀又紅，原來，痛在心中。