「無工一身輕」的第一個星期一，七點起床，hea hea下，同太太簡單食個飽，飲杯豆漿，又開始我家居DIY維修安仔房冷氣壞了的電制面板。我無電工牌嘎但簡單的，無難度。食完Pizza Hut Tea Lunch我下午又開始幫安仔「無痛SSD硬碟更換」利用Clonezilla，先把Lenovo S410的硬碟「原汁原味」的拷貝到SSD，然後就動手「開刀換碟」手術，過程不用兩小時😎安仔的電腦就快3倍以上。平常人/朋友，我已經賺了$400元「手術費」啦，但自己個仔，就免費服務👍
Author: lks3197
踏入7/22，還有18小時😎就離開工作28年11日的公司。會唔捨得嗎？當然會，但我高興嘎係認識左無數咁多好同事，除了3個陌生人😩。在這裡，我渡過開心快樂，甜酸苦辣，流過汗水，淚水，同「磅」水「因每年都要掏腰包，請班兄弟姊妹食下飯，飲下咖啡，免不了，但係開心花的錢。終於都來到「標尾會」嘎時候啦，又加入「開心失業大軍」。個人最唔捨得就係呢幾張陪左我不少「光輝歲月」的公司卡，明天就要同佢地拜拜啦😂 果條token，係我最恨的，明天都送走埋呢支令IT人又愛又恨的「24小時隨傳隨到，食緊飯都要remote support」的VPN工具。原來，科技無令人類生活變好過！
相識16年的同事，一朝得志！過埋明天，我好開心，可以將呢個陌生人，從我人生記憶中剔除。呢條友，連火炭站每日笑著派報紙個位「晴報姐姐」同「730姐姐」都專業過佢千萬倍！好後悔幾年前做左三舊水cash賀呢條友結婚👽至於「佛哥」我上星期同佢飲完個杯咖啡，「一笑泯恩仇」，因為無論點，佛哥對公司的貢獻，還是功不可抹的。至於自己，一生功過，在心中，就夠啦！
可能係在公司最後一次上司身份同呢班「兄弟」食飯。日後再見，就係朋友舊同事身份，無壓力，大家又可吹水一番。希望Paul哥好好睇住班「細」嘎！努力，繼續承傳我執教你地嘎信念：「無論你在寫字樓有幾高級，又如何？我地份薪水，全部都係我地班前線員工，營運部同事的辛勤努力銷售的成果而黎的！所以，鋪頭的同事，才是真英雄」IT同事們，請繼續支持店舖員工做好呢份工