Author: lks3197

難得「知心」友，及得到別人賞識

前日在沙田月台同一位「知音人」交收我家中電腦兩寶的其中一寶：Lenovo X61筆記本電腦，係我至愛之一。雖然係舊Core 2 duo T7700 1.8GHZ（講完大家唔係IT人都唔明的火星文😆）但我裝了OSX 10.6.8 snow leopard及Windows 7 Ultimate 64bit，先至係賣點。難得有位中年「知音人」賞識，太好啦！物盡其用，符合環保循環再用！電腦，唔需要兩三年買新的（個人意見，與工作無關，勿插😎）部機起碼八年，完全write off價值，但還賣到$900！無敵，但唔係錢令我滿足開心，而係得到別人賞識的可貴，個買家是用來學macOS所以佢尋尋覓覓先搵到我呢個「分享專家」。現在，只有工餘時間用我的專業去得到別人賞識，叫我不勝唏噓，但還好心靈滿足😎

最怕「新瓶舊酒」

新瓶舊酒或新酒舊瓶？今天頭條Michael的專欄有意思，值得推介。我幾十年幫公司/BU搞系統，或business change經常希望的同事唔好抱著「凡事照舊」「新瓶舊酒」的心態。以前呢個思維會得到認同支持，但現在就em…不過，工作還是要繼續的，盡做啦！到頭來，成敗得失，隨緣啦！最令自己自豪的，仍是在百記執行的ERP及EDI，起碼呢兩個項目能發揚光大到整個亞洲。如果1995-2002我地無堅持EDI係B2B（當時互聯網還未成氣候）電子商貿平台，我地現在可能仍在fax或email訂單☺️👌作為「第一代」Retek執行者之一，我仍感自豪，因我經歷過「屈機大時代」見證過集團的變遷變強👌。中國人有句話：「創業難，守業更難」希望我地保持以前果種對Change的信念，信心，迎難而上的精神去克服種種難關，去Change the Way We Change及更上一層樓😉努力！