Author: lks3197

曼聯vs水晶宮，足總盃的迷思

過左25年，終於今季足總杯再次由曼聯vs水晶宮。資深的紅魔支持者，一定記得，1990年，費Sir的曼聯主帥地位，岌岌可危，當時佢自86年接手後四年多，未能為紅魔拿下任何錦標，隨時會俾炒。幸好90年當季足總杯「遇神殺神」去到決賽遇上中游球隊水晶宮，個個以為輕鬆勝，點知當時水晶宮有個射手Ian Wright胡禮（之後加盟阿仙奴成為槍手的經典射手）搞到曼聯要加時才由Mark Huges追平3:3，要重賽。 重賽大家都小心唔犯錯，眼看要加時，點知曼聯一個靚組織，由一生人正式為球會射入一球的後衛Lee Martin一箭定江山，幫費Sir球會捧走足總杯。從此，紅魔的26年光輝歲月由果屆開始。 唔通「暈膠耳」都係要靠今季足總杯打敗水晶宮，先可以有運行？世事輪常，會唔會咁巧合！點都好，希望呢班新紅魔兵，再下一城

特事特辦？So what？

珍惜眼前人！身體健康最重要。見到現在香港連的「特事特辦」都搞到咁大，有的唏噓，覺得以前「香港人」果種「不怨天尤人」「向前望」及「努力默默耕耘」的態度現在已慢慢消失。更有部份「永遠在搞事」的更逢特首，逢港府，逢中必反，小事化大，還要日日化大，永無寧日。其實全世界邊個「當權者」無「特事特辦」？連一般普羅市民都經常「走後門」「靠關係」啦，過年的食肆，有的人俾封「利士」門口個派輪候票嘎姐姐，佢咪又「特事特辦」，的公司清貨減價，的「順野」永遠街外客買唔到，咪又係的內部「特事特辦」先分配！所以，有人嘎地方，就永遠都有「特事特辦」啦，大家唔好咁「清高」啦，唔好玩啦！

三個半字的幸運兒

好耐都未中過六合彩啦，今晚食完飯，在電腦前邊看「太陽的後裔」邊用手機隨意買了兩注六合彩，點知真係中左👍👍👍👌三個半字，明日還要上班嘎！$320，都好啊，明早同太太食個靚早餐😎