Author: lks3197

「一腳踢」的自家「乾收銀」

今日在公司演示RETEK的workshop，成件事由準備，做ppt，錄demo的video, 主持，完左寫notes of meeting，全部一腳踢。好耐都未試過咁「過癮」。以前百記香港，中國都有的「乾收銀」幫手，自己係主力理財，人力資源，及應付一層層老闆級及時間壓力。今次幾乎「從低做起」其實好寶貴，起碼自己親自用這個ERP才知它有幾「好」，「好到無言以對」😥😬😱

射手的觸覺

今日終於找回射手的觸覺，隊友傳中的高波，對方兩個後衛都漏，機不可失，心口照停了球，就球不著地用右腳「彈」射遠柱，唔需好勁但角度刁鑽，對方龍門摸到都入。所以踢波有時就像人生，剎那機會，如果把握得到，你就贏。如果悠疑不決，就會錯失良機，有時就係果一秒鐘決定了結果！

不要「隨波逐流」但願是「一股清泉」

好久以前我在大學主修電子計算，副修統計，出黎從事資訊科技，所以我有少少職業病，就是凡事都統計一餐。以「面書」為例，我加入左都可能有5年左右，發覺裡面的posts，如果以主題最多黎順次分配，應該係「食物」，「旅遊，尤其是機場那條討厭的登機閘柱」和「小朋友」。無它，呢幾個都係開心的主題，同人分享好正常，但我個人認為應適可而止就好。以食物為例，好多歐美名廚都講過唔喜歡亞州人「相機先吃」的行為，因佢地重視客人應該「美食當前，先吃為快」而不是樣樣都拍照放上網。我相信「物極必反」，凡事一濫，就會變成「隨波逐流」。記起今日同個同事講：「你千其唔好隨波逐流，要時時緊記言行去嘗試做一股清泉」