公司「部落格」的第一個「追隨者」

自從建立公司的blog後，差不多有六個月，從沒期望有任何朋友，前同事，或其他人會追隨自己的blog。 今日突然收到第一個wordpress發出的「追隨者」通知電郵，好開心。 寫作，從細到現在都是自己的課餘工餘的興趣，但從不專業，亦覺得自己「文筆」認真麻麻，唯一好是我「用心，用真誠」去寫，每一個blog都是用來「舒發己見，舒發情懷」。 感恩自己兩年半前認識了一位「了不起」的靚媽咪同事，因為她，我愛上了跑步！因為她，我愛上了業餘寫作。 純文字的blog，像小時候寫日記，我懷念這種情懷❤

在工作上遇到另類「伯樂」

今日好感恩，得到班客戶高層賞識我呢差不多兩個月提供的IT顧問服務，佢地特地送了個anti theft超好用的15″ notebook背包俾我出外工作用。呢幾個月自僱的生涯，最開心係感受到「獲認同，受尊重及被欣賞」！這些已經唔係用金錢可以衡量的。呢個客戶的背包，係質素價錢超好超值的，推介👍 http://www.pacsafe.com 我係衷心推薦給各位朋友/同事，並無任何商業原素或利益