要做「專業」的顧問，一定要有規律的生活及體魄

自僱做IT顧問工作差不多兩個月，每日都強逼自己生活要有規律：早上8時左右起床，平日一至五（如果當天沒有job）就落街囉免費報紙，買早餐返家，花約一小時看新聞，瞭解香港世界發生的事。然後上網看財經股市，作一些個人投資取向。 中午，一般同太太，安仔食個簡單午餐。下午較得閒時會到圖書館走走搵資料看看雜誌，到四點五點左右，就落城門河跑番二至五公里，視乎當日狀態。 晚上同太太，樂及安一般平日在家食，係一家最齊在一起，一邊食，一邊傾，好感恩！ 人生，就這樣簡單開心就夠😎

重操教學「副業」

昨日經舊同事介紹去見HKU Space，好期待有機會再重操故業，做下兼職教學，一來可以賺下「外快」，而最重要係可以分享經驗，更好的如果可將經驗傳承給新一代的商業/IT資訊科技管理人，就最理想😎 分享的樂趣，是非筆墨可形容的👍

有事搵「專家」

今天約了HSBC的財富管理客戶經理，同佢好好傾，亦都希望佢可以幫我，甚至將來包埋太太，去好好管理自己的財富。 自己成日同朋友，同事講，呢個世界沒有「通才」，只有「專才」。每個人都有佢地的專業，掃地端茶的阿姐，佢地日常工作，都係一門專業。所以，職業無分貴賤，人人平等。 我地待人處事，每次遇到難題，一定要「有事搵專家」！希望任何朋友/公司，遇到如果同IT/資訊系統有關的疑難，就要搵我呢個「專家」噢！😎🙏