愛上了寫blog（電子日記，唔喜歡稱之為「部落格」）去舒發己見。沒有對與錯，沒有讚美與批評，亦不是為了like與dislike，只希望帶出一點訊息。沒有刻意要別人認同，只有主觀的看法。沒有想過要活在別人的眼光/意見之下，只想活出真我的性格。唔一定「我行我素」只想「我口/手說我心」。寫電子日記，慢慢培養番自己書寫能力，及寫作過程的組織能力，和邏輯思維，同保持頭腦清醒的好方法👍😎
我興幸我的仔細個時，還沒有「面書」呢的平台，還沒有「愛瘋」，唔使終日同佢地拍照錄影放上網，起碼我專重了佢地的「私隱」。美好嘎回憶，永遠留在心中，不是留在美國某個州某個大型雲端數據中心及永久刪不掉的伺服器入面。過份嘎分享，唔一定帶來喜悅，可能會令人「反感」凡事應「適可而止」我明白面書創辦人「死都唔肯」加入dislike的原因，係怕個平台會被「顛倒」。但總有一日，另一個平台的誕生就自然會顛倒舊的平台。人類係「貪新忘舊」的動物，呢件事總會自然發生的。到今日，我仍然喜歡揭舊相簿，去懷念一些「故人」及家人的舊照，係好窩心的。
12年前買俾個仔的經典iPod二代，Click Wheel 20gb 終於舊電「壽終正寢」變磚頭 留為紀念
1998年，同舊同事KK及Mike仔參與了開拓公司用Exchange電郵的新紀元。百記得到批准成為首批26個行政人員安裝Exchange。項目由我地三個一腳踢，裝PC，網絡卡及driver（果個年代的driver無plug & play呢回事，當時安裝一張3C509或3C904網絡卡，係裝到出噻汗，搞大半天的，連埋裝Windows 95，Exchange，平均一台機搞日半）26台，搞足大半個月。就咁，我地三個變左屈機電郵三雄，諗起都又感概又自豪。現在，KK及Mike各自有好發展，也為佢地高興。回想以往，擁有電郵，係公司身份的像徵，人人會珍惜去實用，係非常好的溝通工具。現在，電郵是幸福的必然，卻換來「氾濫的電郵年代」座對面的同事，也只顧發電郵而唔會講野/對話。想起，好矛盾，自己原來是開國「幫兇」😂