公司文化：濫用電郵！已經變成「絕症」，即無得救啦！無論緊急，唔緊急，現在無人打電話噶，發個電郵俾有關部門先，然後？等等等別人覆！等唔到又點？咪向上頭講：我通知噻全世界啦，不過無人覆，所以唔關我事！正！呢的就係「新人類」文明，先進的「溝通方法」打電話？你唔係嗎？咁落後，又無證無據，我點同老細交代我有通知有關人等？ 再咁落去，我相信人類會滅亡主要原因唔係「天災」，而係「人禍」，可能「美國佬」個衛星探測到「俄佬」發射遠程導彈指向「白宮」，個美國佬唔即時打電話通知，反而選擇發個電郵俾阿「奧巴馬仔」話佢知：有導彈飛緊過黎，阿馬仔，你執生啊」但點知阿馬仔去左度假，無帶blackberry😜後果？咪發生左第三次「世界大戰」打左兩小時，9成99噶人類死噻，剩落黎噶，還在互通電郵：報平安咁話，好在者，死唔去，電郵手機重work，拿拿聲post上fb報喜先
等到今日，家裡的Sony Tablet S終於壽終正寢，再開不了。它是我最鍾愛但又最失敗的私人珍藏平板。原因是它是「索尼」我最喜歡品牌，但約一年前面板漏液晶，慢慢步入「死亡」。從少無機會玩下「Cracking Open」今天正好幫它「解剖」然後只留番電池，微鏡頭，喇叭，CPU及flash memory。科技好神奇，一部平板，內裡設計從不簡單。別了RIP。可能別人眼中這很無聊，但自己樂在其中，就得啦
去年公司Executive Dinner，難得與集團行政總裁「大大大」黎生合照，都算我呢個「細細細」黎生的榮幸。
今早番工在火炭出口囉完免費報紙，轉角位就撞到無見幾年，最近番港做的短期顧問的Keith Bartlett「巴基夫」😊！佢還好精神，閒談了一兩分鐘，但已經好高興。原來人的緣份是這樣簡單。有些人，無緣，連坐對面或側面，也永不相逢，life is so interesting