雖然離開左差不多5年，但昨天的一件事，真係令我「不吐不快」，關於「瘋宅」的Online/Offline的銷售政策。事緣我仔昨天興高彩烈同我講佢會在「瘋宅」「愛吸」網站買Nentendo最新的console遊戲機，加手制等等週邊，加埋都$3000多元。咁我就同佢講，不如去樓下商場的「Tag Lie」個間分店買啦，方便又可以即刻囉走有得玩又唔駛等送貨/pick up，還可以俾店員有commission。點知一去到問，個店員話：「先生，買呢款新遊戲機，一定要跟個game買（還要是垃圾game😌）」當堂搞到我個仔好失望，我就即時面黑同個店員講：「你公司真係…唉！無言」

同一間公司，零售店跟網上售賣同一款產品，竟然「大細超」鼓勵的客網上買，而discourage門市銷售，呢的策略簡直「堅離地」😣同「趕客」。

香港係2019的社會腦殘運動，及2020新冠肺炎疫情打擊下，零售市道大受打擊，好多零售業從業員失業、無工開、開工不足，已經好慘。我唔明果的「瘋宅」「管你」的唸法，究竟佢地坐係寫字樓係「寫字」啊，或是帶著口罩「呼吸困難」而唔知門市員工的情況？

可唔可以巡鋪時聽聽門市員工的「心聲」

做管理層，係管理啊⋯⋯唔係「管你」啊！以前CM Lo講得好啱：「Good Manager manages, shit manager man-ages…」呢句金句，存留了我心30年👌

以前口口聲聲「以客為本」Customer Centric的態度，去了「堆田區」嗎？

如果倪小姐還是我面書的「朋友」我估我一定會反影俾佢知….囉！

希望在此，看看有沒有「屈機」的前/現任同事，能「挺身」代我「訴心聲」啦，能「下情上達」，在呢個功利社會，盡一點社會責任啦💪