7月11日，特別的紀念日…

34年前的今日，我頭尾用了四個小時從大埔中心往返黃竹坑嘉雲中心「和寶」番工，放工。入門口果下，見到太太，眼濕濕但個口又唔講，我個心好難過，好似自己決定轉呢份工，令到身邊家人朋友都擔心我捱唔捱得住。但堅毅的我在這28年風雨不改，星期六番兩長一短都從無偷懶，經歷過幾許風雨，轉左九次職能，見盡幾許「人情冷暖，世態炎涼」我都熬過來。我現在變得「無欲無求」只希望盡埋己任，將手頭上的項目完成埋就完美啦！我捱過，沒有甚麼俾得上可以全靠自己親力親為，不求人地養妻活兒，自己對得住公司，天地良心，從無害過一個人，我滿足！